ABŞ lideri Donald Tramp 2016-cı il prezident seçkisində qalib gəlmək üçün Rusiya ilə əməkdaşlıq etməsi barədə ona qarşı irəli sürülən saxta ittihamlara görə eks-prezident Barak Obamanın həbsinə çağırıb.
Oxu.Az bu barədə "The American Conservative" jurnalına istinadən xəbər verir.
Materialda Trampın "Truth Social" şəbəkəsindəki paylaşımına yer verilir. Ağ Ev rəhbəri iddia edir ki, Obama 2016-cı il seçkisinin gedişi barədə kəşfiyyat məlumatlarının saxtalaşdırılması üçün Mərkəzi Kəşfiyyat İdarəsinə şəxsən əmr verib.
Tramp bunu eks-prezident tərəfindən dövlət çevrilişinə cəhd adlandırıb və buna görə onun məsuliyyət daşımalı olduğunu bildirib.
