ABŞ Prezidenti Donald Tramp onun Rusiya lideri Vladimir Putinlə Alyaskada gözlənilən görüşünü işıqlandıran kütləvi informasiya vasitələrini tənqid edib.
Oxu.Az xəbər verir ki, Birləşmiş Ştatlar prezidenti bu barədə "Truth" sosial şəbəkəsində yazıb.
O, jurnalistlərin qarşıdan gələn görüşlə bağlı irəli sürdükləri mümkün proqnozlarla qətiyyən razılaşmadığını bildirib.
"Mənim Putinlə görüşüm ərəfəsində mətbuat çox ədalətsiz fəaliyyət qurub. Davamlı olaraq işdən qovulmuş və Con Bolton kimi ağılsız şəxslərdən sitat gətirilir. Nədir axı bu? Saxta xəbərlər sürətlə yayılır", - deyə D.Tramp paylaşımında qeyd edib.
