Las-Veqasda çıxışı zamanı ABŞ Prezidenti Donald Tramp oğlan uşağının səhnədən yıxılmasının qarşısını alıb və növbəti dəfə sələfi Co Bayden barəsində zarafat edib.
Oxu.Az-ın xəbərinə görə, bu barədə "Daily Mail" nəşri yazıb.
Məlumata görə, Tramp "Red Rock Casino Resort and Spa"da çıxış edib və iqtisadi siyasəti müzakirə edib. Tədbirin sonunda o, iki azyaşlı uşaqları ilə birlikdə Sandra və Bred evli cütlüyünü səhnəyə dəvət edib. Kazinoda ofisiant işləyən Sandra gözyaşları içində öz işi haqqında danışmağa başlayıb və bu zaman onun kiçik oğlu səhnənin kənarına doğru addımlayıb. Tramp bunu görüb və tez şəkildə uşağa yaxınlaşaraq onu saxlayıb.
"Mən istəmirəm ki, o, Baydenə çevrilsin və səhnədən yıxılsın", - deyə Tramp zarafat edib və 2023-cü ildə Co Baydenin mərasimdə büdrədiyi insidenti xatırladıb.
