ABŞ Prezidenti Donald Tramp Vaşinqtonda "dünyanın ən böyük və ən gözəl tağı" olacağını söylədiyi zəfər tağının dizaynını təqdim edib.
Oxu.Az xəbər verir ki, bu barədə ABŞ lideri sosial şəbəkə hesabında məlumat verib.
"Mənim Administrasiyam dünyanın ən böyük və ən gözəl zəfər tağının tikintisi üçün təqdimat və planları İncəsənət Komissiyasına rəsmi olaraq təqdim etdi", - deyə ölkə başçısı bildirib.
Dizaynda qızılı elementləri olan açıq rəngli daş tağ, yuxarı hissədə iki böyük rəngli metal qartal və mərkəzdə qanadlı "Azadlıq" heykəlini xatırladan qızılı fiqur var.
