Tramp və Putinin söhbətindən sonra Ukrayna münaqişəsi həll olacaq? - Üç ssenari DİQQƏT MƏRKƏZİNDƏ

"Rusiya Prezidenti Vladimir Putin ilə ABŞ Prezidenti Donald Tramp arasında baş tutan və tərəflərin Ukraynadakı münaqişəyə son qoymaq üzərində işləmək üçün razılığa gəldiyi söhbətdən sonra münaqişənin nizamlanması ilə bağlı üç ssenari mümkündür".

Oxu.Az-ın xəbərinə görə, bu barədə "Bloomberg" nəşri yazıb.

Nəşrə görə, ən çox ehtimal olunan ssenari:

Təmas xəttinin ərazisi faktiki olaraq Rusiyanın nəzarəti altında qalır.

Kiyev üçün "ideal" ssenari:

Rusiya razılaşmadan imtina edərsə, ABŞ və Avropa İttifaqı (Aİ) münaqişəyə müdaxilə etməyə hazırdırlar. Lakin yüksək risklər Kiyev tərəfdarlarını bu variantdan imtina etməyə məcbur edir.

Kiyev üçün kabus ssenarisi:

Tramp Ukraynanın gələcəyinə olan marağını hələ razılaşmanın əldə olunmasından əvvəl itirə bilər. Bu da hərbi və maliyyə yardımının dayandırılmasına, həmçinin avropalılara problemin həlli ilə məşğul olmaq imkanının verilməsinə gətirib çıxara bilər.

Bundan əlavə, Ukraynanı müdafiə etmək və öz ordusunu genişləndirmək Aİ-yə növbəti 10 il ərzində əlavə 3.1 trilyon dollara başa gələ bilər.

"Bu, "Avropa İttifaqı tərəfindən illərdir üstü örtülən çatlar"ı ortaya çıxaracaq", - deyə məqalədə qeyd edilib.