Tramp Zelenskiyə seçim təklif etdi: "Ya sülh, ya da daha üç il müharibə"

"Ukrayna Prezidenti Volodimir Zelenskinin verdiyi bəyanatlara oxşar təhrikedici bəyanatlar münaqişənin nizamlanmasını çətinləşdirir".

Oxu.Az xəbər verir ki, bu sözləri ABŞ Prezidenti Donald Tramp "Truth Socal" platformasında ukraynalı həmkarının Krımı Rusiya ərazisi kimi tanımaqdan imtinasını şərh edərək yazıb.

"Zelenski sülh əldə edə və ya ölkəni itirməzdən əvvəl daha üç il vuruşa bilər. Mən həftədə ortalama beş min rusiyalı və ukraynalı əsgəri ölümdən xilas etməkdən ötrü münaqişəni sonlandırmağa çalışıram.

Lakin Zelenskinin bəyanatı döyüşün uzanmasından başqa heç nəyə gətirib çıxarmır. Biz sazişi bağlamağa çox yaxınıq, lakin oyun üçün heç bir kartı olmayan adam, nəhayət bunu etməlidir" , - deyə o vurğulayıb.