Trampın xüsusi nümayəndəsindən etiraf: "Beynəlxalq münaqişələr barədə sənədli filmlərdən öyrənmişəm"

ABŞ Prezidenti Donald Trampın xüsusi nümayəndəsi Stiven Uitkoff etiraf edib ki, beynəlxalq münasibətlər barədə bilgilərə "Netflix"in qlobal münaqişələrlə bağlı sənədli filmlərinə baxdıqdan sonra yiyələnib.

Oxu.Az xəbər verir ki, bu barədə "The Atlantic" jurnalı məlumat verib.

Nəşr xatırladır ki, Uitkoffun beynəlxalq əlaqələr sahəsində təcrübəsi və ya diplomatik təhsili yoxdur. Qeyd olunur ki, Rusiya-Ukrayna münaqişəsi və İranın nüvə proqramı kimi beynəlxalq məsələlərlə məşğul olan zaman xüsusi nümayəndə intuisiyanı, daşınmaz əmlak sövdələşmələrində təcrübəsini və Trampla dostluğu rəhbər tutur.

Uitkoff etiraf edib ki, son aylarda çoxlu kitab oxuyub və dünya münaqişələri haqqında "Netflix"in filmlərinə, o cümlədən Vyetnam müharibəsi haqqında filmə baxıb.