"Turkish Airlines" aviaşirkəti Türkiyənin Antalya, Dalaman və Bodrum kurortlarından bu gün Rusiyaya planlaşdırılan bütün reysləri ləğv edib.
Oxu.Az xəbər verir ki, bu barədə "RİA Novosti" turizm sənayesindəki mənbəyə istinadən məlumat verib.
Qeyd olunur ki, qərar Rusiya hava limanlarında uçuşların təxirə salınması və ləğv edilməsi ilə bağlıdır - Antalyadan Moskva və Sankt-Peterburqa ən azı 16 reys təxirə salınıb.
"Türk Hava Yolları" ("Turkish Airlines") aviaşirkəti Asiyada vəziyyətlə əlaqədar 8-9 may tarixlərində Pakistana və əks istiqamətə uçuşlar həyata keçirməyəcək.
Oxu.Az xəbər verir ki, bu barədə aviadaşıyıcının saytında məlumat verilib.
"Asiyada siyasi qeyri-sabitlik səbəbindən 8-9 may tarixlərində İslamabad və Lahora uçuşlarımız ləğv edilib", - deyə məlumatda qeyd olunub.
Beləliklə, İstanbul, İslamabad və Lahor arasında hər iki istiqamətdə altı uçuş həyata keçirilməyəcək.
Şirkətin məlumatına görə, mayın 7-nə qədər bu istiqamətlərə alınmış biletləri əlavə ödəniş etmədən geri qaytarmaq və ya başqa tarixlərə dəyişmək mümkün olacaq.
