Ukrayna taxılı olan ilk gəmi artıq Odessadan yola düşüb.
Bu barədə Ukraynanın infrastruktur naziri Aleksandr Kubrakov məlumat verib. O gəminin limandan ayrılmasının görüntülərini paylaşıb.
Ukrayna taxılı olan ilk gəmi artıq Odessadan yola düşüb - FOTO/VİDEO
Bundan əvvəl Türkiyənin hərbi qurumu Birgə Koordinasiya Mərkəzinə istinadən bildirmişdi ki, taxılla yüklənmiş ilk gəmi bazar ertəsi səhər Odessadan yola düşəcək.
“Qarğıdalı ilə yüklənmiş Syerra-Leone bayraqlı “Razoni” gəmisinin yerli vaxtla saat 08:30-da (Bakı vaxtı ilə 09:30-da) Odessa limanını tərk edərək Livana getməsi barədə razılıq əldə olunub”, - qurumdan qeyd olunub.
Ukrayna limanlarından ilk gemi bugün saat 08.30’da hareket edecektir.#MSB pic.twitter.com/vi18ggoyAg
— T.C. Millî Savunma Bakanlığı (@tcsavunma) August 1, 2022
Məlumata görə, Ukrayna taxılının daşındığı ilk karvan 16 yük gəmisindən ibarət olacaq. O, avqustun 2-də Türkiyənin ərazi sularına daxil ola bilər. Karvanı pilotsuz təyyarələr müşayiət edəcək. Bundan əlavə, taxıl daşıyan gəmilərin keçidi İstanbulda Birgə Koordinasiya Mərkəzi nümayəndələri tərəfindən peyklər vasitəsilə izlənəcək.
Rəylər