"Dünyada nevroloji xəstəliklərdən əziyyət çəkənlərin sayı 3 milyarddan çoxdur. Həmin insanlara daha çox diqqət yetirməlidir".
Oxu.Az TASS-a istinadən xəbər verir ki, bu barədə Ümumdünya Səhiyyə Təşkilatının (ÜST) hesabatını dəyərləndirən qurumun baş direktorunun köməkçisi Ceremi Farrar məlumat verib.
Onun sözlərinə görə, hər il dünyada təxminən 11 milyon insan nevroloji xəstəliklərdən dünyasını dəyişir: "Bir çox nevroloji xəstəliklərin qarşısını almaq və effektiv şəkildə müalicə etmək olar. İnsanların əksəriyyəti, xüsusən də kənd yerlərində və infrastrukturu zəif olan ərazilərdə profilaktik qayğılardan məhrumdurlar".
Hesabatda ölüm və əlilliyin əsas nevroloji səbəbləri kimi insult, neonatal ensefalopatiya, miqren, diabetik neyropatiya, vaxtından əvvəl doğuşun nevroloji fəsadları, sinir sisteminin xərçəngləri də digər xəstəliklər göstərilir.
