Gümrünün sabiq meri Vardan Qukasyana qarşı xuliqanlıq əməllərinə görə üçüncü ittiham irəli sürülüb.
Oxu.Az "Sputnik Ermənistan"a istinadla xəbər verir ki, ona qarşı Ermənistan Cinayət Məcəlləsinin 297-ci maddəsi ilə (informasiya və kommunikasiya texnologiyalarının köməyi ilə bir qrup şəxs tərəfindən törədilmiş xuliqanlıq) ittiham irəli sürülüb.
Daha əvvəl məhkəmədə Qukasyan jurnalistlərə bildirib ki, korrupsiyadan uzaqdır, onu ittiham edən hər kəs öz anasına və bacısına pislik edir. O, həmçinin bəyan edib ki, ədalət qalib gələcək, onların daxilindəki türk isə zorlanacaq.
Xatırladaq ki, Vardan Qukasyan "rüşvətalma" maddəsi ilə ittiham olunur, lakin o, günahını etiraf etmir. Müdafiə tərəfinin məlumatına görə, ittihamnamədə yer alan az qala bütün epizodlar Qukasyanın şəhərin rəhbəri olmadığı (2024-cü ilin dekabrından 2025-ci ilin fevralınadək) dövrü əhatə edir.
Daha sonra İstintaq Komitəsi tərəfindən Qukasyana qarşı Rusiya ilə ittifaq yaratmaq zərurəti ilə bağlı bəyanatlarına görə yeni cinayət təqibi başladılıb. İndi o, Cinayət Məcəlləsinin "Ermənistan Respublikasının suverenliyindən imtinaya açıq çağırış" maddəsi ilə mühakimə olunur.
