ABŞ Silahlı Qüvvələrinin Cənub Komandanlığının rəhbəri admiral Elvin Holsi təyinatından bir ildən az müddət sonra Pentaqonun Karib dənizində narkotrafik və terrorizmə qarşı mübarizə çərçivəsində həyata keçirdiyi əməliyyatlar fonunda istefaya getdiyini elan edib.
Oxu.Az xəbər verir ki, bu barədə "The New York Times" (NYT) qəzeti mənbələrə istinadən məlumat yayıb.
Qeyd olunur ki, hərbi komandir bu qərarı 37 illik karyerası ərzində narkotik daşıdığı güman edilən katerlərin vurulması ilə müşayiət olunan genişmiqyaslı əməliyyatın qızğın məqamında qəbul edib. Mənbələr belə bir addımın Venesuelaya qarşı real siyasi gərginliyi gizlətdiyini bildiriblər.
ABŞ Prezidenti Donald Tramp daha əvvəl "Truth Social"da hərbi qüvvələrin Venesuela sahillərində beynəlxalq sularda narkotik daşınması üçün istifadə olunan növbəti qayığa zərbə endirdiyini bildirib. Məlumata görə, qayığın göyərtəsində olan altı narkoterrorist məhv edilib.
