Venesuela hökuməti ölkə prezidenti Nikolas Maduroya sui-qəsdin bilavasitə icraçılarını və onlarla əlbir olan şəxsləri müəyyənləşdirib.
Oxu.Az xəbər verir ki, belə bir bəyanatla Venesuelanın baş prokuroru Tarek Vilyam Saab çıxış edib.
“Avqustun 4-də baş verən hadisə dövlət başçısını qətlə yetirmək cəhdi idi”, - Saab deyib.
Onun sözlərinə əsasən, sui-qəsdin araşdırılmasına 4 prokuror cəlb edilib. Ötən bazar günü Venesuela DİN-in başçısı Nestor Reverol bildirmişdi ki, sözügedən işlə əlaqədar artıq 6 şübhəli şəxs saxlanılıb.
Xalqa müraciət edən Nikolas Maduro sui-qəsddə Venesuelanın və Kolumbiyanın “ultra-sağçı qüvvələrini” və Kolumbiya prezidenti Xuan Manuel Santosu ittiham etmişdi.
Həmçinin dövlət başçısı ehtimal etmişdi ki, onun öldürülməsini planlaşdıran şəxslərdən bəziləri ABŞ-da yaşayır.
Rəylər