ABŞ-ın İrana qarşı sanksiyalarının birinci hissəsi avqustun 7-də qüvvəyə minəcək.
Oxu.Az “Reuters”ə istinadla xəbər verir ki, məhdudiyyətlərin tətbiqinə Bakı vaxtı ilə saat 08:00-da start veriləcək.
Sanksiyaların birinci hissəsi valyuta, avtomobil və metal bazarlarını əhatə edəcək.
İran hökuməti dollar almaq, qızıl və digər qiymətli metalların, kömürün, avtomobillərin və hətta İran xalçalarının alverini aparmaq imkanlarından məhrum olacaq.
Bütün bu tədbirlər İrana qarşı daha öncə də tətbiq edilmişdi, lakin 2015-ci ildə Tehranın nüvə proqramına dair saziş imzalandıqdan sonra aradan qaldırılmlşdı.
22.08
ABŞ prezidenti Donald Tramp 2016-cı ilin yanvarında Tehranın nüvə proqramı üzrə birgə Sazişin imzalanmasından sonra İrana qarşı aradan qaldırılan sanksiyaların iki mərhələdə yenidən tətbiqinə dair İcraedici fərman imzalayıb.
Oxu.Az xəbər verir ki, bu barədə jurnalistlər üçün telefonla keçirilən brifinq zamanı Amerika administrasiyasının yüksək rütbəli nümayəndəsi bildirib.
O qeyd edib ki, sözügedən fərman Donald Tramp tərəfindən daha öncə səsləndirilən Tehrana təzyiq göstərilməsinə dair siyasətin davamıdır.
