Yeni tropik "Verbena" qasırğası Filippində, təxminən, 47 min insana ziyan vurub.
Oxu.Az xəbər verir ki, bu barədə PNA yerli qurumlara istinadən məlumat yayıb.
"Qasırğadan 46 923 nəfər zərər çəkib. 485 ailə təxliyə mərkəzlərindədir, daha 14 ailə isə başqa yerlərdə yardım alır. Əlverişsiz hava şəraiti ilə əlaqədar beş regionda 59-a yaxın liman fəaliyyətini dayandırıb", - məlumatda bildirilir.
İtki və dağıntılar barədə məlumat verilməyib.
