Serbiya prezidenti xəstəxanadan buraxılıb

Serbiya prezidenti Aleksandar Vuçiç xəstəxanadan buraxılıb.

Oxu.Az TASS-a istinadən xəbər verir ki, bu barədə ölkənin maliyyə naziri Sinişa Mali məlumat verib.

Nazirin sözlərinə görə, prezidentin vəziyyəti yaxşılaşıb. Həkimlər Vuçiçə istirahət etməyi tövsiyə ediblər.

Mali əlavə edib ki, vəziyyəti yaxşılaşarsa, prezident söz verdiyi kimi, mayın 9-da Moskvaya səfər edəcək.

"Bir neçə gündən sonra o, öz vəzifəsinin icrasına qayıdacaq və biz işimizi davam etdirəcəyik", - deyə nazir qeyd edib.

03 may, 11:44

Serbiya Prezidenti Aleksandar Vuçiç səhhətinin qəfil pisləşməsi ilə əlaqədar ABŞ-yə səfərini təxirə salmaq məcburiyyətində qalıb.

Oxu.Az xəbər verir ki, bu barədə Serbiyanın dövlət televiziyası RTS məlumat yayıb.

Qeyd olunur ki, özünü pis hiss edən Aleksandar Vuçiç həkimlərə müraciət edib. Müayinədən sonra ona səfəri təxirə salmaq məsləhət görülüb. Lakin prezidentin səhhəti ilə bağlı əlavə təfərrüatlar açıqlanmayıb.