Xabi Alonsodan "Real Madrid"in futbolçularına SƏRT ŞƏRT

"Real Madrid"in yeni baş məşqçisi Xabi Alonso futbolçularına bildirib ki, matçlar zamanı maksimum hərəkətdə olmayan futbolçular bundan sonra heyətə daxil edilməyəcəklər.

Oxu.Az xəbər verir ki, bu barədə "Cadena Ser" məlumat yayıb.

Mənbənin bildirdiyinə görə, məşqçi futbolçularına ciddi xəbərdarlıq edərək, qaçmayan və bütün gücünü meydanda qoymayanların heyətdə yerini itirəcəklərini vurğulayıb.

Məşqçi bildirib ki, futbolçu qapıya zərbə vurmaq üçün topun nə zaman ona ötürüləcəyini gözləməməli, hər top üçün özü mübarizə aparmalıdırlar.