Fatih Terim Səudiyyə Ərəbistanı klubu ilə yolları ayırmaq qərarına gəlib

Türkiyəli mütəxəssis Fatih Terim Səudiyyə Ərəbistanının "Əl-Şəbab" klubundan ayrılacaq.

Oxu.Az xəbər verir ki, bu barədə Türkiyənin "HT Spor" nəşri məlumat yayıb.

Xəbərdə bildirilib ki, F.Terim müqaviləsində sözləşməni uzatma bəndinin olmasına baxmayaraq, komandada qalmaq istəməyib.

Qeyd edək ki, Türkiyə millisinin və "Qalatasaray"ın sabiq baş məşqçisi 2024-cü ilin dekabrından "Əl-Şəbab"ı çalışdırır. Onun komandası mövsümü 60 xalla 6-cı pillədə başa vurub.