Yaponiyanın mərkəzi hissəsində artıq ikinci gündür davam edən zəlzələ nəticəsində ölənlərin ümumi sayı 55 nəfərə çatıb.
Bunu regional hakimiyyət orqanlarının dərc etdiyi məlumatlar sübut edir.
Məlumatalara əsasən, 100-dən çox insan xəsarət alıb, onlardan 17-nin vəziyyəti ağırdır.
Ölənlərin və xəsarət alanların əksəriyyəti davam edən zəlzələlərin episentrində olan və təbii fəlakətdən ən çox zərər çəkən İşikava prefekturasının sakinləridir. Orada zəlzələdən sonra baş verən yanğınlar 200-dən çox yaşayış binasını dağıdıb.
Mənbə: TASS
13:56
Yaponiyada ikinci gündür davam edən güclü zəlzələlər nəticəsində azı 48 nəfər ölüb.
Bu barədə İşikava prefekturasının rəsmiləri məlumat veriblər.
Son məlumatlara görə, 50-dən çox insan müxtəlif dərəcəli bədən xəsarətləri alıb.
Zəlzələnin nəticələri ilə əlaqədar İşikava, Niiqata və digər ərazilərin 60 minə yaxın sakini təxliyə edilib.
Rəsmi məlumata görə, 120-yə yaxın ərazidə özbaşına təxliyə oluna bilməyən insanlar xilasedicilərin gəlişini gözləyirlər. Sosial şəbəkələrdə bununla bağlı kadrlar da yayılıb.
Həmçinin, ölkədə zəlzələyə görə fəaliyyəti dayandırılan sürət qatarlarının hərəkəti bərpa edilib.
Yaponiyada zəlzələdə ölənlərin sayı artıb - YENİLƏNİB + FOTO/VİDEO
09:58
Yaponiyada baş verən silsilə zəlzələlərdə ölənlərin sayı 30-a çatıb.
Prefekturadan bildirilib ki, ən ağır vəziyyət davam edən zəlzələlərin episentrinin yaxınlığında olan İşikavadadır. Orada azı 50 nəfər müxtəlif dərəcəli bədən xəsarətləri alıb, 200-dən çox evdə yanğın baş verib, 100-dən çox yaşayış binası uçub, ən azı 17 evin dağıntıları altında qalanlar var.
Hadisə yerində xilasedicilər və yanğınsöndürənlər fasiləsiz işləyirlər. Faciənin nəticələrinin aradan qaldırılmasına kömək etmək üçün Yaponiyanın özünümüdafiə qüvvələrinin bölmələri də bölgəyə cəlb olunub.
Xatırladaq ki, yanvarın 1-də Yaponiyanın qərbində 7,6 bala çatan güclü zəlzələlər baş verib, yeraltı təkanlar Osaka və Kiotoda hiss edilib. Təbii fəlakət 1885-ci ildə müşahidələr başlayandan bəri regionda baş verən ən güclü zəlzələ hesab edilib.
Mənbə: Kyodo
Rəylər