"YouTube" süni intellekt kontentli materialları paylaşan bir neçə ən iri kanalı eyni vaxtda silib.
Oxu.Az bu barədə "The Verge" nəşrinə istinadən xəbər verir.
"Kapwing" xidmətinin hesabatına görə, platformadan bu tip ən populyar kanal olan "CuentosFacianantes" yoxa çıxıb. Kanalın 5,9 milyondan çox abunəçisi var idi və 1,2 milyarddan artıq baxış toplamışdı.
2025-ci ilin noyabrında "CuentosFacianantes" kanalı ən populyar süni intellekt kontent kanalı adlandırılmış, onun mütəmadi olaraq "Dragon Ball" mövzusunda aşağı keyfiyyətli videolar dərc etdiyi qeyd edilmişdi. Reytinqdə ikinci yeri tutan və 5,8 milyondan çox abunəçisi olan "Imperio de Jesus" kanalı da artıq əlçatan deyil.
Bundan əlavə, "Kapwing" siyahısındakı daha 16 kanal ya tamamilə silinib, ya da bütün məzmununu itirib. Onların arasında "Heroes de Fantasia", "Adhamali-0" və "Roupa25" də var. "Super Cat League" kanalı formal olaraq platformada qalır, lakin ondakı bütün videolar silinib. Bu kanalların hər birinin auditoriyası 2 milyondan çox abunəçidən ibarət idi.
