Ən son xəbərləri bizim "Instagram" səhifəmizdə izləyin

Zelenski Ərdoğana təşəkkür etdi
Hazırda Ankarada səfərdə olan Ukrayna Prezidenti Volodimir Zelenski Türkiyə Prezidenti Rəcəb Tayyib Ərdoğanla birgə mətbuat konfransında açıqlamalar verib.
Oxu.Az xəbər verir ki, bu barədə "Haber Global" məlumat yayıb.
Məlumata görə, Ukrayna dövlət başçısı türkiyəli həmkarına təşəkkür edib.
"Türkiyədə adət etdiyimiz qonaqpərvərlikdən məmnunam. Münasibətlərimiz həmişə yüksək səviyyədədir. Türkiyə Ukraynanın ərazi bütövlüyü və suverenliyi məsələlərində həmişə çox önəmli olub. Biz bütün qlobal prosesləri ətraflı müzakirə etdik. Müharibəni etibarlı və davamlı sülhlə başa vurmaq üçün heç bir səhvə yol verməməliyik. Danışıqlar ədalətli olarsa, Ukrayna, ABŞ və Avropa masa arxasında olarsa, bütün ölkələrin iştirakı ilə təminatlar hazırlanacaq. Bu ölkələr arasında Türkiyə də var. Bu anlayışa görə Ərdoğana minnətdaram", - deyə Zelenski bildirib.
Prezident Ərdoğan da çıxışında müharibənin artıq sona çatmalı olduğunu vurğulayıb.
"Zelenskinin səfəri müharibənin fundamental dinamikasının əhəmiyyətli dəyişikliyə məruz qaldığı bir vaxta təsadüf edir. Müharibədə qalib, sülhdə uduzan olmayacağı anlayışı ilə tərəflər arasında sülhün bərqərar olması üçün çox səy göstərdik. Müharibənin tez və danışıqlar yolu ilə başa çatdırılması üçün Trampın irəli sürdüyü diplomatik təşəbbüs var. Bu yanaşma Türkiyənin siyasəti ilə üst-üstə düşür. Bu müharibə artıq bitməlidir", - Ərdoğan bəyan edib.

"Rəcəb Tayyib Ərdoğan" teqi üzrə xəbərlər
- "Mixaylo" ləqəbli şəhid Mühüd Orucov - Ərdoğan onu "Azərbaycanın aslanı" adlandırmışdı
- Taxıl sazişi üzrə görüşün mümkün yeri məlum olub
- Ərdoğan: "Son 10 gündə baş verən küçə terroru soyğunçuluğu ört-basdır etmək cəhdidir"
- Ərdoğan: "Türkiyə Azərbaycanda sülhə və təhlükəsizliyə önəmli töhfə verir"
- Rəcəb Tayyib Ərdoğan İlham Əliyevi təbrik etdi