Biləsuvarda evini fahişəxanaya çevirməkdə təqsirləndirilən ahıl kişi ifşa olunub.
Oxu.Az-ın əldə etdiyi xəbərə görə, polis əməkdaşlarının keçirdikləri tədbirlərlə rayon sakini, 1955-ci il təvəllüdlü R.B-nın evində qadınları pul qarşılığında cinsi əlaqəyə vadar etdiyi müəyyən olunub. 71 yaşlı kişi saxlanılıb. Faktla bağlı cinayət işi başlanılıb və baxılması üçün məhkəməyə göndərilib. Məhkəmənin hökmü ilə R.B 3 500 manat pul cəriməsi və qazancının 20 faizi dövlət nəfinə tutulmaqla 2 il müddətinə islah işləri cəzasına məhkum edilib.
Məlumata görə, R.B-nın həyat yoldaşı Bakıda yaşadığı üçün kişi evində tək qalırmış. Bir müddət əvvəl onun qonşusu olan qadın narkotik vasitələrin qanunsuz dövriyyəsində təqsirləndirilərək həbs edilib və azadlıqdan məhrum olunub. R.B. həmin müddətdə həbsdə olan qadının anasına borc versə də, sonradan ala bilməyib. Qadın cəzasını başa vurub azadlığa çıxandan sonra R.B onda pulunu istəsə də, həbsdən təzə çıxmış şəxs borcunu ödəyə bilməyib. O, qadınla söhbət edərək pul müqabilində kişilərlə cinsi əlaqədə olmasını təklif edib: hər müştəridən 50 manat alacağını, 40 manatını ona verəcəyini, 10 manat isə "evpulu" götürəcəyini deyib. O, həbsdən çıxan qadınla bu cür razılaşıb və onu evində müştəri ilə görüşdürüb. Polis əməkdaşlarının keçirdikləri tədbirlərlə həmin qadın və müştərilərdən biri ilə evdə yaxalanıblar.
