Ağdaşda bıçaqlanma hadisəsi baş verib.
Məlumata görə, 30 yaşlı Arzu Səfərli 24 yaşlı Nicat Qafarova bıçaqla xəsarət yetirib.
Zərərçəkmişin anası Pərvanə Abbasova hadisə ilə bağlı açıqlama verib.
"Oğlum küçə qadınına görə bıçaqlanıb. Övladımın 24 yaşı var, həmin qadın isə ailəlidir və iki uşağı var. O, əri ola-ola oğlumdan dəfələrlə istifadə edib. Qadının əri yoldaşının telefonundan oğluma "mənə bulka alıb gətir" mesajını yazıb. Oğlum bulkanı aparanda isə ona altı bıçaq zərbəsi endirib. Övladım iki litrə yaxın qan itirib, hazırda vəziyyəti ağırdır", - deyə o bildirib.
Hadisə ilə bağlı Daxili İşlər Nazirliyindən bildirilib ki, polis əməkdaşlarının həyata keçirdiyi tədbirlər nəticəsində əməli törətməkdə şübhəli bilinən 30 yaşlı Arzu Səfərli saxlanılıb: "Xəsarətlərlə bağlı müvafiq ekspertiza təyin olunub. Hazırda faktla bağlı ərazi üzrə polis orqanında istintaq araşdırmaları davam etdirilir".
Ətraflı Baku TV-nin süjetində:
Ağdaş rayon sakinini bıçaqlayan şəxs saxlanılıb.
Oxu.Az-ın məlumatına görə, polis əməkdaşlarının keçirdikləri tədbirlərlə N.Qaffarovu bıçaqlamaqda şübhəli bilinən 1995-ci il təvəllüdlü Arzu Səfərli saxlanılıb.
Faktla bağlı Ağdaş Rayon Polis Şöbəsində istintaq araşdırmaları aparılır.
Məlumata görə, hadisə qısqanclıq zəminində baş verib.
Ağdaşda bıçaqlanma hadisəsi baş verib.
Oxu.Az xəbər verir ki, hadisə Ağdaş şəhəri, M.İsayev küçəsi ünvanında qeydə alınıb.
Belə ki, Arzu Cavid oğlu Səfərli yaşadığı ünvanda Nicat Abdulla oğlu Qaffarov ilə aralarında yaranmış mübahisə zamanı sonuncunun ayaq və qarın nahiyələrinə bıçaqla xəsarət yetirib.
Faktla bağlı Ağdaş Rayon Polis Şöbəsində araşdırma aparılır.
Samir Əli
