"Əllərini yumaq istədi, həyatından oldu" - 14 yaşlı məktəblinin faciəli sonu

Dekabrın 11-də Ağdaş rayonunun Qoşaqovaq kəndi ərazisində bədbəxt hadisə baş verib. Şirvan Suvarma kanalının kənddən keçən hissəsində 14 yaşlı yeniyetmə suya düşərək boğulub.

Məlumata görə, Qoşaqovaq kənd sakini olan yeniyetmə kanalın kənarına enib. Bu zaman o, müvazinətini itirərək suya yıxılıb.

"Kanala yaxınlaşıb ki, əlini yusun, amma ayağı sürüşüb, suya yıxılıb. Yaxınlıqda olan vətəndaşlar kömək etməyə çalışsalar da, onu xilas etmək mümkün olmayıb. Yeniyetmə 14 yaşında idi, 9-cu sinifdə oxuyurdu" , - deyə mərhumun qohumu bildirib.

Yeniyetmənin meyiti dekabrın 12-də səhər saatlarında Fövqəladə Hallar Nazirliyinin Aran Regional dalğıc-axtarış qrupunun əməkdaşları tərəfindən sudan çıxarılıb və aidiyyəti üzrə təhvil verilib.

Ətraflı Baku TV-nin süjetində:

"Əllərini yumaq istədi, həyatından oldu" - 14 yaşlı məktəblinin faciəli sonu

12:56

Ağdaş rayon Qoşaqovaq kəndində 14 yaşlı oğlan Şirvan Suvarma kanalına düşərək boğulub.

Oxu.Az xəbər verir ki, kanalda boğulan kənd sakini 2010-cu il təvəllüdlü Zakirli Vüqarın meyiti tapılıb.

Onun meyiti aidiyyəti üzrə təhvil verilib.

11:08

Ağdaşda 14 yaşlı oğlan su kanalına düşərək ölüb.

Oxu.Az "Report"a istinadən xəbər verir ki, hadisə rayonun Qoşaqovaq kəndində qeydə alınıb.

2010-cu il təvəllüdlü Vüqar Zakirli dərsdən qayıdan zaman Şirvan Suvarma kanalının ətək hissəsində əlini yuyan zaman sürüşərək kanala düşüb.

Nəticədə yeniyetmə suda boğularaq ölüb.

Faktla bağlı araşdırma aparılır.