Şəmkirdə anasını balta ilə qətlə yetirən Anar Allahverdiyevlə bağlı bəzi detallar məlum olub.
Oxu.Az "Qafqazinfo"ya istinadən xəbər verir ki, A.Allahverdiyev Azərbaycan Texnologiya Universitetinin məzunu olub.
O, bir neçə dəfə iş üçün imtahan versə də, qəbul ola bilməyib.
Sonuncu dəfə də verdiyi imtahandan keçə bilməyən Anarın psixoloji böhran keçirdiyi, hadisəni də bu zəmində törətdiyi bildirilir.
Şəmkir rayonunun Qaracəmirli kəndində oğlu tərəfindən qətlə yetirilən 66 yaşlı Çiçək Sərdarova orta məktəb müəllimi olub.
Oxu.Az "Qafqazinfo"ya istinadən xəbər verir ki, mərhum Qaracəmirli kənd orta məktəbində Azərbaycan dili və ədəbiyyat müəllimi işləyib, ötən il yaşla bağlı əmək pensiyasına çıxıb.
Məlumat üçün bildirək ki, hadisə zamanı qadının ruhi xəstə olan oğlu Anar Allahverdiyev balta ilə anasını qətlə yetirib. Daha sonra isə üzərinə sürtkü yağı tökməklə özünü yandıraraq intihar edib.
Faktla bağlı Şəmkir Rayon Prokurorluğunda araşdırma başlanılıb.
Şəmkir rayonunda oğul anasını qətlə yetirib.
Oxu.Az-ın məlumatına görə, hadisə martın 30-da günorta saatlarında rayonun Qaracəmirli kəndində baş verib.
Kənd sakini 1993-cü il təvəllüdlü Anar Allahverdiyev anası, 1959-cu il təvəllüdlü Çiçək Sərdarovaya hücum edib.
O, anasını balta ilə qətlə yetirib. Qətldən sonra A.Allahverdiyev üzərinə tezalışan maddə tökərək özünü yandırıb. Hadisə zamanı o da ölüb.
Faktla bağlı araşdırma aparılır.
