Bakıda baş verən qətlin daha bir təfərrüatı məlum olub.
Oxu.Az-ın əldə etdiyi məlumata görə, hadisəyə səbəb Nübar Bağırovanın həyat yoldaşı Coşqun Bağırovdan boşanmaq istəməsi olub.
Coşqun Bağırov həbsdə olduğu müddətdə Nübar övladlarını saxlamaq üçün işləməyə başlayıb. Coşqun azadlığa çıxdıqdan sonra dəfələrlə həyat yoldaşı ilə barışmağa çalışsa da, Nübar buna razılıq verməyib. Nübar evlərinin satılmasına qarşı olsa da, Coşqun yaşadıqları mənzili satıb. Daha sonra isə Nübar bir müddət kirayədə qaldıqdan sonra anasının yarımçıq tikili evinə köçüb və qardaşı ilə birlikdə evi təmir edərək övladları ilə orada yaşayıb.
Coşqun həbsdən çıxdıqdan sonra Nübar onunla barışmaq istəməsə də, anası onları yenidən bir araya gətirib. Bundan sonra ana Rusiyaya köçüb. Ailə iki il bir yerdə yaşasa da, Nübar və Coşqun arasında tez-tez mübahisələr düşürmüş.
İyulun 7-də Coşqun övladlarını Nübarın qardaşıgilə aparıb və bir müddət orada qalmasını istəyib. Gecə saatlarında isə o, cinayəti törədib.
Bakıda həyat yoldaşını və özünü öldürən kişi həbsdən yeni çıxıbmış.
Oxu.Az-ın əldə etdiyi məlumata görə, Coşqun Nurəddin oğlu Bağırov bir müddət həbsdə olub.
Həbsə düşərkən yaşadıqları evi satıblar və həyat yoldaşı Nübar Bağırova iki övladı ilə birlikdə kirayədə yaşayıb. İki il əvvəl isə onlar Nübarın anasının evinə köçüblər.
15 gün əvvəl Coşqun həbsxanadan çıxıb, Nübarın anasının razılığı ilə onun evinə gəlib və ailəsi ilə birlikdə yaşayıblar. Nübarın anası isə evi onlara verərək Moskvaya köçüb. Hadisə baş verəndən bir gün qabaq Coşqun iki övladını qohumlarından birinin evinə göndərib. Hadisə vaxtı evdə Coşqun və Nübar ikisi olublar. Qətl hadisəsi də həmin vaxt baş verib.
Bakıda mənzildən kişi və həyat yoldaşının meyitləri tapılıb.
Oxu.Az-ın əldə etdiyi məlumata görə, hadisə bu gün saat 3 radələrində Sabunçu rayonu, Ramana qəsəbəsində qeydə alınıb.
İlkin ehtimala görə, qəsəbə sakini, 1985-ci il təvəllüdlü Coşqun Nurəddin oğlu Bağırov yaşadığı evdə həyat yoldaşını xüsusi amansızlıqla qətlə yetirib. O, daha sonra özünü də öldürüb.
Faktla bağlı araşdırma aparılır.
Qeyd edək ki, xəbəri ilk olaraq Lent.az saytı yayıb.
