Bakı şəhəri, Binəqədi rayonunun "Baksol yolu" adlanan ərazisindəki mebel sexində baş vermiş yanğın Fövqəladə Hallar Nazirliyi (FHN) qüvvələri tərəfindən tam söndürülüb.
Bu barədə Oxu.Az-a FHN-dən məlumat verilib.
Bakı şəhəri, Binəqədi rayonunun "Baksol yolu" adlanan ərazisindəki mebel sexində baş vermiş yanğın Fövqəladə Hallar Nazirliyi (FHN) qüvvələri tərəfindən məhdudlaşdırılıb.
Bu barədə Oxu.Az-a FHN-dən məlumat verilib.
Qeyd olunub ki, yanğının tam söndürülməsi istiqamətində tədbirlər davam etdirilir.
Bakı şəhəri, Binəqədi rayonunun "Baksol yolu" adlanan ərazisindəki mebel sexində baş vermiş yanğının söndürülməsi və alovun daha geniş sahəyə yayılmasının qarşısının alınması üçün Fövqəladə Hallar Nazirliyi (FHN) tərəfindən təxirəsalınmaz tədbirlər görülür.
Oxu.Az xəbər verir ki, bu barədə FHN məlumat yayıb.
Bildirilib ki, FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri ərazidə yanğınsöndürmə və müvafiq təhlükəsizlik tədbirlərini fasiləsiz olaraq davam etdirirlər.
Nazirliyin əməkdaşları yanğını söndürməklə yanaşı, həm də sahibkarlara mallarını yanğın baş verən ərazidən təhlükəsiz şəkildə çıxarmaları üçün lazımi köməklik göstərirlər.
Əlavə məlumat veriləcək.
Bakının Binəqədi rayonunda baş verən yanğınla əlaqədar hadisə yerinə təcili tibbi yardım briqadaları göndərilib.
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, martın 17-də saat 20:50-də Respublika Təcili və Təxirəsalınmaz Tibbi Yardım Mərkəzinə sözügedən ərazidə yanğın baş verməsi ilə bağlı məlumat daxil olub.
"Çağırış ünvanına dərhal iki təcili tibbi yardım briqadası cəlb olunub. İndiyə qədər xəsarət alanlarla bağlı hər hansı müraciət qeydə alınmayıb", - deyə məlumatda qeyd olunub.
Bakı şəhəri, Binəqədi rayonu, Baksol yolu adlanan ərazidə baş verən yanğının söndürülməsi istiqamətində tədbirlər davam etdirilir.
Bu barədə Oxu.Az-ın hadisə yerində olan əməkdaşı məlumat verib.
Qeyd edək ki, ərazinin geniş olması yanğının söndürülməsi prosesini çətinləşdirir.
Paytaxtın Binəqədi rayonu ərazisində yerləşən mebel sexində baş vermiş yanğının söndürülməsi istiqamətində tədbirlər davam etdirilir.
Oxu.Az-ın hadisə yerində olan əməkdaşının verdiyi məlumata görə, sahibkarlar ərazidəki mallarını təhlükəsiz zonaya çıxarmağa çalışırlar.
Məhərrəm Əliyev
Paytaxtın Binəqədi rayonu ərazisində yerləşən mebel sexində baş vermiş yanğınla əlaqədar hərəkət iştirakçılarının təhlükəsizliyi tam təmin olunub.
Oxu.Az xəbər verir ki, bu barədə Daxili İşlər Nazirliyinin (DİN) mətbuat xidmətindən bildirilib.
Qeyd olunub ki, hadisə ilə əlaqədar Post-Patrul Xidməti (PPX) və yol polisi əməkdaşları tərəfindən nəzarət tədbirləri gücləndirilib.
Görülən zəruri və operativ tədbirlər nəticəsində ərazidəki yollarda nəqliyyat vasitələrinin hərəkətində hər hansı məhdudiyyət yoxdur, nəqliyyatın fasiləsiz gediş-gəlişi təmin edilib.
Paytaxtın Binəqədi rayonu ərazisində yerləşən mebel sexində baş vermiş yanğınla əlaqədar polis əməkdaşları dərhal hadisə yerinə cəlb olunublar.
Oxu.Az xəbər verir ki, bu barədə Daxili İşlər Nazirliyinin (DİN) mətbuat xidmətindən bildirilib.
Qeyd olunub ki, hadisə yerində vətəndaşların təhlükəsiz şəkildə təxliyə edilməsi, ərazinin mühafizə olunması, həmçinin yanğınsöndürmə qüvvələrinin maneəsiz fəaliyyətinin təmin edilməsi məqsədilə operativ tədbirlər görülür.
Eyni zamanda, polis əməkdaşları tərəfindən avtomobil yolunda yarana biləcək sıxlığın aradan qaldırılması və hərəkətin tənzimlənməsi istiqamətində zəruri işlər davam etdirilir.
Paytaxtın Binəqədi rayonunda mebel sexində güclü yanğın başlayıb.
Bu barədə Oxu.Az-ın sorğusuna cavab olaraq Fövqəladə Hallar Nazirliyindən bildirilib.
Qeyd olunub ki, nazirliyin "112" qaynar telefon xəttinə Binəqədi rayonunun "Baksol yolu" adlanan ərazisində mebel sexində yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb ediliblər.
Hazırda yanğınla mübarizə tədbirləri davam etdirilir.
Əlavə məlumat veriləcək.
