Bakıda iki nəfər dəm qazından zəhərlənərək ölüb.
Oxu.Az-ın məlumatına görə, hadisə paytaxtın Suraxanı rayonu Yeni Günəşli qəsəbəsində baş verib. Qəsəbə sakini, 1958-ci il təvəllüdlü Nazim Tahirov yaşadığı evin hamamında dəm qazından boğulub.
Yaxınları onun meyitini hamamda aşkarlayıblar.
Həmçinin Sabunçu rayonu Maştağa qəsəbəsində 1994-cü il təvəllüdlü Qəhrəman Əliyev yaşadığı evin hamam otağında dəm qazından zəhərlənərək ölüb.
Faktlarla bağlı araşdırma aparılır.
