Bakının Xəzər rayonunda 24 yaşlı Fatimə Rəhmanzadənin sevgilisi tərəfindən qətlə yetirilməsi ilə bağlı şok təfərrüat məlum olub.
Oxu.Az Modern.az-a istinadən xəbər verir ki, cinayəti törədən 1986-cı il təvəllüdlü Müseyib Əhmədov hadisədən öncə sosial şəbəkə hesabında açıq-aşkar təhdid və intiqam mesajları paylaşıb.
Şübhəlinin sosial mediadakı paylaşımlarında "Mən də səni vuracam belə, mən onsuz da sənə demişdim, özün mənə məcbur elədin", "Can almasam, can vermərəm", "Düz sözdür, namusu belə təmizləmək lazımdır" və "Son gün az qalıb, intiqamımı alacam" kimi ifadələr yer alıb. Bu paylaşımlar cinayətin öncədən planlaşdırıldığını nümayiş etdirir.
Faktla bağlı Xəzər Rayon Prokurorluğunda cinayət işi başlanılıb, istintaq tədbirləri aparılır.
Qeyd edək ki, hadisə Binə qəsəbəsində qeydə alınıb. İki il əvvəl ailəsindən boşanan Müseyib Əhmədov bir müddət sevgili olduğu Fatimə Rəhmanzadə ilə mübahisə etdikdən sonra ayrılıblar. Dünən axşam saatlarında qadının işlədiyi kafenin yaxınlığında onunla qarşılaşan Müseyib, Fatimənin onunla barışmaq istəməməyinə cavab olaraq üzərində gəzdirdiyi bıçaqla ona çoxsaylı xəsarətlər yetirib. Zərərçəkən xəstəxanada dünyasını dəyişib.
Bakıda 24 yaşlı qadının qətlinin təfərrüatı məlum olub.
Oxu.Az-ın məlumatına görə, hadisə paytaxtın Xəzər rayonu, Binə qəsəbəsində baş verib.
Binəqədi rayonunun Sulutəpə qəsəbəsində yaşayan 1986-cı il təvəllüdlü Müseyib Əhmədov iki il əvvəl ailəsindən boşanıb və həmin qəsəbədə kirayədə yaşayan 2002-ci il təvəllüdlü Fatimə Rəhmanzadə ilə tanış olub. Fatimə Sulutəpədə yaşasa da, Binə qəsəbəsindəki kafelərdən birində işləyirmiş.
Daha sonra onlar sevgili kimi birlikdə yaşamağa başlayıblar. Müseyib Fatimənin kirayədə qaldığı evdə onunla birlikdə qalmaq qərarına gəlib. Məlumata görə, bir neçə gün əvvəl cütlük arasında mübahisə yaşanıb və Müseyib evə gəlməyib. Dünən axşam saatlarında Müseyib evə dönüb və Fatimənin mənzildə olmadığını görüb. Qadın onun zənglərinə də cavab verməyib. Ardınca kişi Fatimənin işlədiyi yerə - Xəzər rayonunun Binə qəsəbəsindəki kafeyə gedib. O, kafenin yaxınlığındakı dayanacaqda Fatimə ilə rastlaşıb. Xanım M.Əhmədovdan ayrılmalarını və bir daha onu narahat etməməsini istəyib. Nəticədə sevgililər arasında mübahisə yaranıb. Bu zaman Müseyib üzərində gəzdirdiyi bıçaqla Fatiməyə bir neçə zərbə endirib.
Qadın xəstəxanaya çatdırılsa da, aldığı xəsarətlərdən orada ölüb.
Bakıda ər arvadını qətlə yetirib.
Oxu.Az-ın məlumatına görə, hadisə paytaxtın Xəzər rayonu, Binə qəsəbəsində baş verib.
Qəsəbə sakini, 1986-cı il təvəllüdlü Museyib Əhmədov şəxsi münaqişə zəminində arvadı 2002-ci il təvəllüdlü Fatimə Rəhmanzadəni bıçaqlayıb. Yaralı xəstəxanaya çatdırılsa da, onun həyatını xilas etmək mümkün olmayıb. F.Rəhmənzadə xəstəxanada dünyasını dəyişib.
Polis əməkdaşlarının keçirdikləri tədbirlərlə hadisəni törətməkdə şübhəli bilinən M.Əhmədov saxlanılıb.
Faktla bağlı araşdırma aparılır.
