Bakıda sərxoş sərnişin avtobus şüşəsini sındırdı – Sürücü hadisənin detallarını AÇIQLADI

Bakıda sərxoş sərnişinin avtobusun şüşəsini sındırmasının təfərrüatı məlum olub.

Oxu.Az Xəzər TV-yə istinadən məlumat verir ki, 2 gün əvvəl axşam saatlarında sərxoş vəziyyətdə olduğu ehtimal edilən orta yaşlı şəxs 65 saylı marşrut avtobusunun şüşəsini sındırıb.

Həmin vaxt avtobusu idarə edən sürücü Dünyamalı Mehtiyev bildirib ki, sözügedən şəxs əvvəlcə avtobusda başqa biri ilə mübahisə edib. Onun mübahisə etdiyi sərnişin yolda düşüb.

Daha sonra isə içkili sərnişin qapının şüşəsini sındırıb və heç nə olmamış kimi hadisə yerindən uzaqlaşıb.

Sürücü hadisə barədə dərhal polisə məlumat verib. D.Mehtiyev onu da bildirib ki, həmin şəxs avtobusa minərkən üzərində kartı da olmayıb.

Ətraflı süjetdə:

Bakıda sərxoş sərnişin avtobus şüşəsini sındırdı – Sürücü hadisənin detallarını AÇIQLADI

19 may, 15:12

Bakıda sərxoş vəziyyətdə marşrut avtobusunun şüşəsini sındıran şəxsin saxlanılması istiqamətində işlər görülür.

Oxu.Az-ın əldə etdiyi məlumata görə, polis əməkdaşları tərəfindən həmin şəxsin şəxsiyyəti müəyyən olunub. Saxlanılması üçün tədbirlər görülür.

Aqil Vəlili

11:14

Bakıda xuliqanlıq hadisəsi qeydə alınıb.

Oxu.Az xəbər verir ki, hadisə mayın 17-si axşam saatlarında baş verib.

Belə ki, avtobus Yasamal rayonu Tbilisi prospektində hərəkətdə olarkən orta yaşlı şəxs qapıya yaxınlaşaraq nəqliyyat vasitəsinin dayanmasını tələb edib və şüşəni sındırıb. Həmin şəxs ictimai nəqliyyatdan düşərək yoluna davam edib. Onun sərxoş olduğu deyilir.

Məsələ ilə bağlı DİN-in "102" xidmətinə məlumat verilib.

Faktla bağlı Yasamal Rayon Polis İdarəsinin 27-ci Polis Bölməsində araşdırma aparılır.

Aytac Qasımova