Bu gün saat 13 radələrində Beyləqan rayonunda xəsarət alması səbəbi ilə 2 nəfər (kişi cinsli) Beyləqan Rayon Mərkəzi Xəstəxanasına hospitalizasiya olunub.
Bu barədə Oxu.Az-a TƏBİB-dən bildirilib.
Qeyd edilib ki, hadisə nəticəsində xəsarət alan 1988-ci il təvəllüdlü Natiq Arif oğlu Məmmədov hazırda əməliyyata alınıb, 1983-cü il təvəllüdlü Zamiq Nurəli oğlu Fərzəliyevə isə sol baldırın çox qəlpəli açıq yerdəyişən sınığı diaqnozu təyin edilib.
Hazırda xəstələrin vəziyyəti stabil qiymətləndirilir.
Beyləqan rayonunda kafedə güllələnən şəxslərin şəxsiyyəti məlum olub.
Oxu.Az-ın əldə etdiyi məlumata görə, hadisə rayonun 1-ci Şahsevən kəndi ərazisindəki kafedə şəxsi münaqişə zəminində baş verib.
Belə ki, kənd sakinləri, 1983-cü il təvəllüdlü Zamiq Nurəli oğlu Fərzəliyev və 1988-ci il təvəllüdlü Natiq Arif oğlu Məmmədov kafedə çay içərkən həmkəndliləri, 1988-ci il təvəllüdlü Ceyhun Rza oğlu Əhmədov hələlik şəxsiyyəti istintaqa məlum olmayan bir nəfərlə kafeyə daxil olub.
Ceyhun Əhmədov öncə kafedə sinif yoldaşı N.Məmmədova yaxınlaşıb və üzərində gəzdirdiyi avtomatla ona atəş açıb. C.Əhmədov daha sonra söhbətə müdaxilə etmək istəyən həmkəndlisi Z.Fərzəliyevə ayağından atəş açıb.
C.Əhmədov və yanındakı naməlum şəxs dərhal kafeni tərk edib hadisə yerindən uzaqlaşıblar.
Məlumata görə, polis əməkdaşlarının keçirdikləri əməliyyat-axtarış tədbirləri nəticəsində C.Əhmədov saxlanılıb. Hazırda hadisə yerindən qaçan digər şəxsin axtarışları davam etdirilir.
Samir Əli
Sentyabrın 6-da saat 13 radələrində Beyləqan rayonunun Şahsevən qəsəbəsinin ərazisindəki kafedə üç kənd sakini arasında münaqişə baş verməsi ilə bağlı polisə məlumat daxil olub.
Oxu.Az xəbər verir ki, bu barədə Daxili İşlər Nazirliyinin Mətbuat Xidmətinin regional qrupu məlumat yayıb.
Bildirilib ki, odlu silahdan açılan atəş nəticəsində iki nəfər kənd sakini xəsarət alıb. Cinayət əməlini törədən şəxs məlumdur, onun tutulması üçün polis əməkdaşları tərəfindən tədbirlər görülür.
Əlavə məlumat veriləcək.
