Cəlilabadda gəncləri bıçaqlamaqda şübhəli bilinən şəxs saxlanıldı

Cəlilabad rayonunun Hamarqışlaq kəndində gənclər arasında düşən mübahisə zamanı iki nəfəri bıçaqlamaqda şübhəli bilinən şəxs saxlanılıb.

Daxili İşlər Nazirliyinin (DİN) Mətbuat Xidmətinin Lənkəran regional qrupunun baş inspektoru polis kapitanı Məhəmməd Rzayev Oxu.Az-a açıqlamasında bildirib ki, əməli törətməkdə şübhəli bilinən 27 yaşlı Eyvaz Əliyev polis əməkdaşları tərəfindən saxlanılıb.

"Hadisə şəxsi münasibətlər zəminində baş verib. Faktla bağlı araşdırma aparılır", - deyə açıqlamada bildirilir.

Cəlilabadda gəncləri bıçaqlamaqda şübhəli bilinən şəxs saxlanıldı

Əzizə İsmayılova

16:18

Cəlilabadda bıçaqlanma hadisəsi baş verib.

Oxu.Az-ın APA-ya istinadən xəbərinə görə, Cəlilabad rayonunun Hamarqışlaq kəndində gənclər arasında mübahisə yaranıb.

Münaqişə zamanı tərəflər kəsici-deşici alətə əl atıblar. Hadisə nəticəsində iki nəfər - 2002-ci il təvəllüdlü Rəhim Rövşən oğlu Qiyasov (döş boşluğunun sağ yarısının, döş boşluğunun sağ qəfəsinin ön səthinin kəsilmiş yarası) və 2004-cü il təvəllüdlü Elmir Namiq oğlu Teymurov (qarın divarının ön hissəsində kəsilmiş yarası) xəsarətlər alıblar. Yaralılar dərhal xəstəxanaya çatdırılıblar.

Faktla bağlı araşdırma aparılır.