Göyçay rayonunda Şirvan suvarma kanalının yarılması nəticəsində su ətraf əraziyə yayılıb.
Oxu.Az xəbər verir ki, hadisə kanalın rayonun Şahədət Qarabağlar kəndi ərazisindən keçən hissəsində baş verib.
Kanalın yarılması nəticəsində su yaxınlıqda yerləşən, yerli sakinlərin "qobu" adlandırdığı dərin çökəkliyə doğru axır.
Hazırda hadisə yerinə aidiyyəti qurumların canlı qüvvəsi və xüsusi texnikası cəlb olunub. Qəzanın aradan qaldırılması və su axınının dayandırılması istiqamətində təxirəsalınmaz tədbirlər görülür.
Təhlükəsizliyin təmin edilməsi məqsədilə Rayon Polis Şöbəsinin əməkdaşları da əraziyə cəlb olunublar.
Qaynar xətt:
(055) 224 12 12
