Göygöldə baş verən yol-nəqliyyat hadisəsinin təfərrüatı məlum olub.
Bu barədə Oxu.Az-a Baş Dövlət Yol Polisi İdarəsinin inspektoru polis baş leytenantı Elvin Hacıyev məlumat verib.
O bildirib ki, hadisəyə sürücünün idarəetməni itirməsi səbəb olub:
"Sözügedən yol-nəqliyyat hadisəsi Göygölün Kərəmli kənd ərazisində baş verib. Sürücü Nuran Əhliman oğlu Məmmədov "Mitsubishi" markalı 90-HB-710 dövlət nömrə nişanlı nəqliyyat vasitəsinin idarəetməsini itirib və nəticədə avtomobil aşıb.
Hadisə zamanı nəqliyyat vasitəsində olan üç nəfər - Nuran Əhliman oğlu Məmmədov, Nuriddin Mobil oğlu İsmayılov, Fizuli Cəfərov olub. Sürücü Nuran Əhlimanoğlu Məmmədov, onun yanında əyləşən Nuriddin Mobil oğlu İsmayılov və Fizuli Cəfərov xəsarət alıb".
Göygöldə baş verən yol-nəqliyyat hadisəsi zamanı xəsarət alanların vəziyyəti açıqlanıb.
Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, bu gün saat 12:50-da baş verən yol-nəqliyyat hadisəsi nəticəsində üç nəfər (hər biri kişi cinsli olmaqla) Göygöl Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:
"Müxtəlif növ bədən xəsarətləri alan şəxslərə zəruri tibbi yardımlar göstərilib. Müvafiq şöbələrdə müalicələri davam etdirilən şəxslərdən birinin vəziyyəti orta ağır, digərlərinin isə vəziyyəti stabildir".
Aygün Mirakif
Göygöldə yol-nəqliyyat hadisəsi baş verib.
Oxu.Az APA-ya istinadla bildirir ki, "Mitsubishi" markalı minik maşını idarəetmədən çıxaraq yolun kənarına aşıb. Qəza zamanı üç nəfər xəsarət alaraq xəstəxanaya yerləşdirilib.
Hadisə yerinə Dövlət Yol Polisinin əməkdaşları cəlb olunublar.
Faktla bağlı araşdırma aparılır.
