Qubadan Xaçmaza "uçan maşın"ın sürücüsü danışdı - ANBAAN GÖRÜNTÜLƏR

Mayın 1-də Quba-Xaçmaz yolunun Barlı kəndindən keçən hissəsində baş vermiş ağır yol-nəqliyyat hadisəsi zamanı VAZ-2115 markalı avtomobilin xəsarət alan sürücüsü Elvin Süleymanov Baku TV-yə danışıb.

Onun sözlərinə görə, hadisə zamanı qarşısına qəfil çıxan "Mercedes" markalı avtomobillə toqquşmamaq üçün sükanı kanala tərəf yönəltmək məcburiyyətində qalıb:

"Maşını saxlaya bilmədiyim üçün kanala yönəldim və digər tərəfə uçdum. Qəza nəticəsində qabırğam zədələndi. Yanımda olan xalam oğlu isə xəsarət almadı", - deyə sürücü bildirib.

Ətraflı süjetdə:

Qubadan Xaçmaza "uçan maşın"ın sürücüsü danışdı - ANBAAN GÖRÜNTÜLƏR

11:00

Quba-Xaçmaz avtomobil yolunda yol-nəqliyyat hadisəsi baş verib.

Oxu.Az xəbər verir ki, Barlı kəndi ərazisində baş verən hadisəyə səbəb nəqliyyat vasitələrindən birinin sürət həddini aşması olub.

Hadisə şahidlərinin sözlərinə görə, Quba-Xaçmaz istiqamətində hərəkət edən VAZ-2115 markalı avtomobil yüksək sürət ilə hərəkət edərək "Tofaş" markalı avtomobil ilə toqquşub.

Toqquşma nəticəsində VAZ-2115 markalı avtomobil idarəetməni itirərək yoldan çıxıb və yol kənarındakı Samur-Abşeron kanalının beton səddinə çırpılıb. Zərbənin təsirindən maşın kanalın kənarındakı torpaq yola aşıb. Maşında olan iki nəfər hadisə zamanı havada açılan qapıdan tullanaraq xilas olublar. Hər iki şəxs ciddi xəsarət almayıb.

Hadisənin anbaan görüntülərini təqdim edirik:

Aygün Mirakif