Ötən gecə Xətai rayonu, Məhəmməd Hadi küçəsində - metronun "Həzi Aslanov" stansiyasının yaxınlığındakı yaşayış binalarının birində baş verən yanğının qəsdən törədilməsi məlum olub.
Oxu.Az "Qafqazinfo"ya istinadən xəbər verir ki, yanğın hadisəsini qəsdən törətməkdə şübhəli bilinən 47 yaşlı şəxs polis əməkdaşları tərəfindən saxlanılıb.
Araşdırmalarla onun ruhi-əsəb xəstəliklərindən əziyyət çəkdiyi məlum olub. Onun xüsusi təyinatlı tibb müəssisəsinə yerləşdirilməsi təmin edilib.
Qeyd edək ki, yanğından əvvəl həmin mənzildə 47 yaşlı kişinin əlində balta ilə mətbəxdə dağıntılar törətməsi, aqressiv hərəkətlər etməsi qonşuları tərəfindən lentə alınıb.
Həmin görüntülər sosial şəbəkədə yayılıb.
Hadisə ilə bağlı araşdırmalar davam etdirilir.
Qaynar xətt:
(055) 224 12 12
