Nazirlik əməkdaşı qəfil öldü

Tovuz rayonunda 28 yaşlı oğlan qəfil ölüb.

Oxu.Az-ın məlumatına görə, 1997-ci il təvəllüdlü Sərxan Aşırov evində ürək çatışmazlığından vəfat edib.

Məlumata görə, S.Aşırov Fövqəladə Hallar Nazirliyinin Dövlət Yanğından Mühafizə Xidmətinin Tovuz Rayon Yanğından Mühafizə Hissəsinin əməkdaşı olub.

O, səhər saatlarında yaşadığı evdə yatarkən halı qəfil pisləşib.

Hadisə yerinə təcili tibbi yardım briqadası çağırılsa da onun həyatını xilas etmək mümkün olmayıb.

Təcili tibbi yardım briqadası evə çatana qədər S.Aşırov dünyasını dəyişib.