Azərbaycanda müalicəyə gələn xarici ölkə vətəndaşı hoteldə ölü tapılıb.
Oxu.Az-ın məlumatına görə, hadisə Naftalan şəhərində baş verib.
Özbəkistan vətəndaşı, 1957-ci il təvəllüdlü Cahangir Mahmudoviç Zufarof Naftalan şəhərindəki "Garabagh Resort & SPA" hoteldə qalıb. Bir müddətdən sonra qaldığı otaqda onun meyiti aşkarlanıb.
Hadisə yerinə polis və prokurorluq əməkdaşları cəlb olunublar. Meyitin üzərində zorakılıq əlaməti aşkar edilməyib, onun ürək çatışmazlığından dünyasını dəyişdiyi məlum olub.
Faktla bağlı araşdırmalar aparılır.
Qaynar xətt:
(055) 224 12 12
