Naxçıvanda ödəmə terminalı oğurlanıb.
Oxu.Az-ın məlumatına görə, hadisə Babək rayonunda yerləşən mağazaların birinin qarşısında baş verib.
Mağazanın girişində içərisində 9 503 manat olan ödəmə terminalının oğurlanması barədə polisə məlumat daxil olub.
Rayon polis idarəsinin əməkdaşlarının keçirdikləri tədbirlərlə əməli törətməkdə şübhəli bilinən 33 yaşlı İsmayıl Babayev müəyyən olunaraq saxlanılıb.
Araşdırmalarla məlum olub ki, şübhəli əvvəlcədən mağazanın fəaliyyəti və təhlükəsizlik şəraitini müşahidə edərək, insanların olmadığı vaxt oğurluq əməlini həyata keçirib.
Faktla bağlı araşdırmalar davam etdirilir.
Samir Əli
