Sabirabadda doğuş zamanı körpə ÖLDÜ

"2005-ci il təvəllüdlü şəxs aprelin 21-də saat 13:00-da Sabirabad Rayon Mərkəzi Xəstəxanasının nəzdində olan Perinatal Mərkəzə hospitalizasiya olunub".

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, 30 həftəlik hamilə olan pasiyentin vaxtından əvvəl doğuşu baş tutub:

"Ağır vəziyyətdə doğulan körpənin cinsi kişi, çəkisi bir kiloqram 800 qr. olub".

Qeyd edilib ki, küvəz rejimində müalicəsi davam etdirilən yenidoğulmuş CPAP rejimində respirator dəstək alıb:

"Aparılan reanimasiya tədbirlərə baxmayaraq, yenidoğulmuşun hemodinamikasını bərpa etmək mümkün olmayıb və aprelin 21-də, axşam saat 9-da ölüm faktı qeydə alınıb".

Aləmdə Nəsib

11:58

Azərbaycanda daha bir doğuş faciəsi baş verib.

Oxu.Az Lent.az-a istinadən xəbər verir ki, hadisə Sabirabad rayonunda qeydə alınıb.

İmişli rayon sakini, 2005-ci il təvəllüdlü Samirə Səxavət qızı Mirzəyeva doğuş üçün rayon mərkəzi xəstəxanasına müraciət edib.

20 yaşlı qadının dünyaya gətirdiyi uşaq ölüb.

Araşdırmalar Sabirabad Rayon Prokurorluğu tərəfindən aparılır.