Şəmkir rayonunda baş verən qətl hadisəsində təqsirləndirilən şəxs saxlanılıb.
Oxu.Az-a Şəmkir Rayon Prokurorluğundan verilən məlumata görə, sentyabrın 5-də saat 23 radələrində rayonun Sarıtəpə kəndi ərazisində 1993-cü il təvəllüdlü Tural Abdullayevin öldürülməsi barədə rayon prokurorluğuna məlumat daxil olub.
Araşdırma zamanı 1968-ci il təvəllüdlü Sənan Əsgərovun yaşadığı evdə aralarında yaranmış mübahisə zamanı kürəkəni, Bakı şəhər sakini Tural Abdullayevə bıçaqla xəsarətlər yetirərək onu qəsdən öldürməsinə əsaslı şübhələr müəyyən edilib.
Faktla bağlı Şəmkir Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Sənan Əsgərov iş üzrə şübhəli şəxs qismində tutulub.
İbtidai istintaq davam etdirilir.
Şəmkir rayonunda qətl hadisəsi baş verib.
Oxu.Az-ın məlumatına görə, hadisə rayonun Sarıtəpə kəndində baş verib.
Kənd sakini, 1968-ci il təvəllüdlü Sənan Əsgərov Bakıdan qonaq gələn kürəkəni, 1993-cü il təvəllüdlü Tural Abdullayevlə mübahisə edib.
Mübahisə davaya çevrilib və nəticədə T.Abdullayev qayınatasına bıçaqla xəsarət yetirib. Bundan sonra S.Əsgərov kürəkənindən bıçağı alaraq ona qarın və ürək nahiyəsindən bir neçə bıçaq zərbəsi endirib. Hər iki şəxs xəstəxanaya çatdırılsa da, T.Abdullayevin həyatını xilas etmək mümkün olmayıb. O, xəstəxanada dünyasını dəyişib.
Faktla bağlı araşdırma başlanılıb.
Samir Əli
