Tərtərdə baş verən qəzada xəsarət alan digər piyada da həyatını itirib.
Daxili İşlər Nazirliyinin mətbuat xidmətinin regional qrupundan Oxu.Az-a bildirilib ki, bu gün saat 18 radələrində Bərdə rayon sakini Zülfüqar Hidayət oğlu Bayramovun idarə etdiyi VAZ-2107 markalı avtomobil yolu nəzərdə tutulmayan yerdən keçən Cəmilə Zeynalova və Mahirə Qədimovanı vurub.
Nəticədə hər iki piyada hadisə yerində ölüb.
Faktla bağlı cinayət işi başlanıb, araşdırma aparılır.
Tərtərdə ağır yol-nəqliyyat hadisəsi baş verib.
Oxu.Az APA-ya istinadla xəbər verir ki, hadisə Bərdə-Ağdam avtomobil yolunun Tərtər rayonunun Hüsənli kəndi ərazisindən keçən hissəsində qeydə alınıb.
Belə ki, hərəkətdə olan VAZ-2107 markalı minik avtomobili iki piyadanı vurub. İlkin məlumata görə, piyadaların hər ikisi qadındır.
Onlardan biri hadisə yerində ölüb, digəri isə ağır bədən xəsarətləri ilə xəstəxanaya yerləşdirilib.
Faktla bağlı araşdırma aparılır.
