Təyyarə qəzasında həlak olan növbəti 24 nəfərin nəşi Bakıya gətirildi

Qazaxıstanın Aktau şəhərində "Embraer-190" təyyarəsinin qəzaya uğraması nəticəsində həlak olan 3 ekipaj üzvünün və 21 sərnişinin cənazəsi Azərbaycana gətirilib.

Oxu.Az xəbər verir ki, cənazələri Heydər Əliyev Hava Limanında aidiyyəti üzrə qurumlar qəbul ediblər.

Təyyarə qəzasında həlak olan növbəti 24 nəfərin nəşi Bakıya gətirildi

Daha çox foto burada: PhotoStock.az

23:12

Qazaxıstanda baş vermiş qəzada həlak olan 3 ekipaj üzvünün və 21 sərnişinin cənazəsi Azərbaycana gətirən təyyarə Aktau hava limanından Bakıya yola düşüb.

Oxu.Az xəbər verir ki, təyyarənin yaxın müddətdə Heydər Əliyev Hava Limanında eniş edəcəyi gözlənilir.

17:44

Qazaxıstanın Aktau şəhərində qəzaya uğrayan "Azərbaycan Hava Yolları" QSC-yə (AZAL) məxsus təyyarədə həyatını itirən növbəti 24 nəfərin nəşi bu gün Bakıya gətiriləcək.

Bu barədə Oxu.Az etibarlı mənbələrdən məlumat əldə edib.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb.

Təyyarə qəzasında həlak olan növbəti 24 nəfərin nəşi Bakıya gətirildi

Məhərrəm Əliyev