Yasamalda iki avtomobil toqquşub: Xəsarət alanlar var

Bu gecə Bakının Abbas Mirzə Şərifzadə küçəsində ağır yol-nəqliyyat hadisəsi baş verib.

Bununla bağlı Oxu.Az-a məlumat daxil olub.

Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli Oxu.Az-a açıqlamasında faktı təsdiqləyib.

"Hadisə noyabrın 21-də saat saat 23:41-də A.M.Şərifzadə küçəsində qeydə alınıb. Yol-nəqliyyat hadisəsi zamanı "Opel" markalı 77-GZ-548 dövlət nömrə nişanlı avtomobillə "Mercedes-Benz" markalı 99-MB-400 dövlət nömrə nişanlı maşın toqquşub.

Xəsarət alanlar var. Faktla bağlı Yasamal Rayon Polis İdarəsində araşdırma aparılır", - deyə R.Əhmədli bildirib.

Əzizə İsmayılova