İtaliya A Seriyasında 18-ci turun görüşləri keçirilir.
Oxu.Az xəbər verir ki, ev matçında "Boloniya"nı qəbul edən "İnter" rəqibindən üstün olub.
Meydan sahibləri qonaqların qapısından üç top keçiriblər. Zelinski (39), Martinez (48) və Türam (74) fərqləniblər. Kastro isə 83-cü dəqiqədə təsəlli qoluna imza atıb - 3:1.
Bu qələbə sayəsində "İnter" turnir cədvəlinin zirvəsinə yüksəlib. Komandanın aktivində 39 xal var. "Boloniya" isə 26 xalla 7-ci pillədə qərarlaşıb.
