A Seriyası: "Napoli" çempionluq yarışında "İnter"i qabaqladı

İtaliya çempionatında 34-cü turun "Napoli" - "Torino" oyunu başa çatıb.

Oxu.Az xəbər verir ki, Neapoldakı "Maradona" stadionunda keçirilən qarşılaşmada yerli komanda inamlı qələbəni bayram edib.

Artıq oyunun yeddinci dəqiqəsində "Mançester Yunayted"dən alınmış yarımmüdafiəçi Skott MakTominay hesabı açıb. 42-ci dəqiqədə o dubla imza atıb - 2:0.

Beləliklə, "Napoli" bu mövsüm qazandığı xalların sayını 74-ə çatdıraraq, A Seriyasının turnir cədvəlində vahid lider olub və mövsümün bitməsinə 4 tur qalmış "İnter"i 3 xal qabaqlayıb. "Torino" isə 43 xalla 10-cu pillədə qərarlaşıb.