Beynəlxalq Olimpiya Komitəsi (BOK) 2028-ci ildə ABŞ-də keçiriləcək Olimpiada üçün kişi futbol komandalarının sayını azaldıb.
Oxu.Az xəbər verir ki, bu barədə BOK-un idman direktoru Kit Makkonel jurnalistlərə bildirib.
Los-Anceles oyunlarında kişilərin turnirində 12 komanda mübarizə aparacaq. Əvvəllər yarışda 16 milli komanda təmsil olunurdu. Eyni zamanda, qadınların turnirində komandaların sayı 12-dən 16-ya çatdırılacaq.
Qeyd edək ki, Los-Anceles Olimpiadası iyulun 14-dən 30-dək keçiriləcək.
