Oxu.Az-ın "Ustadına əhsən" layihəsinin növbəti buraxılışı drift idmanına həsr olunub.
Bu dəfə layihənin qonağı drift pilotu Rəhman Hüseynov olub. Buraxılışda avtomobil idmanının ən maraqlı növlərindən biri hesab olunan driftin texniki və praktik tərəfləri nümayiş etdirilib.
Rəhman Hüseynov drift avtomobilinin hazırlanma prosesi, mühərrik və asqı sistemində edilən dəyişikliklər, həmçinin yarışöncəsi görülən işlər barədə ətraflı məlumat verib. O, uğurlu çıxış üçün avtomobilin düzgün sazlanmasının vacibliyindən də danışıb.
Layihə çərçivəsində drift pilotu məşq prosesini nümayiş etdirib, döngələrdə avtomobilə nəzarətin incəliklərini göstərib və bu idman növünün tələb etdiyi bacarıqlardan bəhs edib.
"Ustadına əhsən" layihəsinin yeni buraxılışını "Oxu TV"nin YouTube kanalında izləyə bilərsiniz.
