AFFA futbolçuların lisenziyalarını saxtalaşdıran klublara ağır cəza verdi

AFFA-nın İntizam Komitəsinin iclası keçirilib.

Oxu.Az xəbər verir ki, qurum U-13 və U-14 Liqalarında çıxış edən "Hindarx" komandaları ilə bağlı qərar verib.

Hər iki komandanın heyətində lisenziyası saxtalaşdırılmış futbolçular çıxış etdiyinə görə həmin oyunçuların meydana çıxdığı bütün matçlarda Ağcabədi təmsilçisinə 0:3 hesablı texniki məğlubiyyət verilib. "Hindarx" yarışlardan kənarlaşdırılıb.

Ağcabədinin digər klubu "Olimpiya"nın rəsmisi Orxan Mehman oğlu Əliyev futbolçuların sənədlərini kütləvi şəkildə saxtalaşdırdığına görə bir il müddətinə futbolla bağlı fəaliyyətdən kənarlaşdırılıb. "Hindarx" rəsmisi Samiq Raqif oğlu Quliyev futbolçuların sənədlərini kütləvi şəkildə saxtalaşdırdığına görə altı ay müddətinə futbolla bağlı fəaliyyətdən uzaqlaşdırılıb.