Ən son xəbərləri bizim "WhatsApp" kanalımızda izləyin
AVRO-2020-yə vəsiqə qazanan komandaların sayı 19-a çatıb
AVRO-2020-yə vəsiqə qazanan daha iki milli komandanın adına aydınlıq gəlib.
Oxu.Az xəbər verir ki, D qrupunda iki xoşbəxt komanda İsveçrə və Danimarka milliləri olub.
İsveçrə səfərdə Cəbəlüttariqi 6:1 hesabı ilə darmadağın edib. Danimarka isə Dublin səfərində İrlandiya ilə 1:1 oynayaraq bu nəticəyə nail olub. Bununla da İsveçrə 17 xalla qrup lideri, Danimarka isə 16 xalla ikinci kimi AVRO-2020-yə vəsiqə qazanıb.
Sabah (Bakı vaxtı ilə təxminən 01:50) isə seçmə mərhələ vasitəsilə Avropa çempionatına vəsiqə qazanan son qalibin adına aydınlıq gələcək. Millimizin yer aldığı E qrupunda ikinci yerə vəsiqəyə üç namizəd var. Bunlar Macarıstan, Uels və Slovakiya yığmalarıdır.
Qeyd edək ki, indiyədək 19 komanda Avro-2020-yə vəsiqə qazanıb. Bunlar İngiltərə, Çexiya, Portuqaliya, Ukrayna, Hollandiya, Almaniya, İsveçrə, Danimarka, Xorvatiya, İspaniya, İsveç, Polşa, Avstriya, Fransa, Türkiyə, Belçika, Rusiya, İtaliya və Finlandiya yığmalarıdır.
Səbuhi Musayev
"Almaniya" teqi üzrə xəbərlər
- Almaniyadan Rusiya ilə müharibə üçün 1000 səhifəlik məxfi plan barədə RƏSMİ AÇIQLAMA
- Bu xəbərləri qaçırmayın: 21.11.2024-ün ən mühüm hadisələri
- Annalena Berbok: "İqlim maliyyəsi sahəsində əməkdaşlığın genişləndirilməsi vacibdir"
- Almaniyada maraqlı hadisə: Göyərçin 200 sürücünü yeraltı dayanacağa kilidlədi
- Annalena Berbok: "Bakıda bütün qitələrdə iqlim koalisiyalarının yaradılması üzərində çalışırıq"
Ən çox oxunanlar
